Градови домаќини на СП тврдат дека ФИФА им должи милиони

Претседателот на ФИФА, Џани Инфантино, се соочува со нови критики откако неколку американски градови домаќини на СП тврдат дека не ја добиле ветената финансиска помош од по еден милион долари за организациските трошоци. Според американските медиуми, средствата биле усно ветени за време на подготовките за Мундијалот, но до денес не биле исплатени, поради што локалните организациски комитети бараат објаснување од ФИФА. Дополнително, претседателот на Фудбалскиот сојуз на Јордан, Али бин Хусеин, неодамна ја обвини ФИФА дека се обидела да изврши притисок врз неговиот сојуз, нудејќи помош во замена за јавна поддршка на Инфантино. Од ФИФА засега нема официјална реакција на овие обвинувања.