Готвачот на Вимблдон открива што јадат тенисерите за време на натпреварувањето

Вимблдон, најстариот и најпрестижниот тениски турнир, продолжува оваа недела, а покрај тенисот, многу внимание се посветува на тоа што е во чиниите на стотици спортисти, кои оваа година се чини дека имаат специфични диететски барања насочени кон здравјето на цревата, пишува Food Bible. Според Џо Фурбер, виш менаџер за храна и пијалоци на Вимблдон, натпреварувачите сè повеќе бараат храна што е лесна за варење, како што се комбуха, мешунки и кимчи. -Здравјето на цревата и пробиотските производи се во голема побарувачка. Свесни сме за ова и сигурно се грижиме за тоа, изјави тој за The Guardian. Главниот готвач Сем Кент го следеше трендот на одржливост со воведување месо од дивеч во менито. Еленското месо, кое Британското здружение на елени го опишува како „едно од најодржливите што можете да ги купите“, беше избрано поради неговата хранлива вредност. Кент рече дека дивечот е на менито на Вимблдон затоа што е „богато со хранливи материи“ и има „навистина високо ниво на протеини“. Играчите на Вимблдон наводно посегнуваат по суши од пастрмка од поток во Хемпшир, дури и за појадок. -Сушито е секогаш популарно кај играчите, тоа е апсолутен број еден. Не можеме да произведеме доволно од него, играчите едноставно го обожаваат, рече готвачот…