Ѓоковиќ казнет поради недолично однесување: Изговорил „гласни вулгарности“

Седумкратниот освојувач на Вимблдон, српскиот тенисер Новак Ѓоковиќ, е казнет парично со 5.600 фунти за недолично однесување за време на осминафиналниот натпревар против Русинот Роман Сафиулин, објавија денеска организаторите на грен слем турнирот. Во соопштението на организаторите на Вимблдон, се наведува дека Ѓоковиќ е казнет за „гласни вулгарности“ изговорени во дуелот што се одигра во неделата. Ѓоковиќ го победи Сафиулин по четири сета, 7:6, 6:3, 3:6, 6:3 и во меѓувреме се пласираше во полуфиналето со вчерашниот триумф во пет сета над Канаѓанецот Феликс Оже-Алијасим. Противник на Ѓоковиќ во полуфиналето ќе биде прворангираниот тенисер во светот, Италијанецот Јаник Синер. (МИА)