ФОТО: Иранците оставија порака во соблекувалната – „Една работа да знаете за нас, илјадници години се држиме до тоа“
По натпреварот против Египет и болното реми (1:1), Иранците оставија писмена порака во соблекувалната во Сиетл. Додека тагуваа поради поништениот гол за победа во 90+3 минути, а потоа и поради ударот во пречката, Иранците напишаа неколку реченици за себе на таблата. „Доаѓаме од Иран. Од земја каде што илјадници години честа беше поважна од победата. За нас, фудбалот не е само натпревар за резултати, туку е тест за карактер.“ „Бодовите може да се освојат на многу начини, но почитта не може. Можеби ќе ја поминеме групата, но само преку фер-плеј и чест, може да стоиме исправено пред историјата. Фер-плејот не е само писмена наредба во фудбалските правила. Тоа е суштината на оваа игра.“ Iran have left another handwritten note in their dressing room after the Egypt game in Seattle pic.twitter.com/pDag35oYXt — James Ducker (@TelegraphDucker) June 27, 2026 „Ви благодариме Сиетл за вашето гостопримство и благодариме на сите Иранци кои ги дадоа своите срца, своите гласови и целото свое битие за Иран. Иран секогаш ќе стои исправено!“, пишува во порака. Пораката ги содржеше и знаците #168 и #Minab, што алудира на бројот на загинати, претежно деца, во нападот на американските сили врз Минаб за време на војната меѓу двете земји претходно…
