Федерер: Нема да постапам како Серена

Серена Вилијамс во јуни се врати на терените по четиригодишна пауза, но засега без особен успех. Нејзиниот врсник Роџер Федерер исто така зад себе има четири години во пензија, но не планира ништо слично. „Ни под разно нема да постапам како Серена“, истакна 45-годишниот Швајцарец на прес-конференцијата во Њујорк, пред егзибицискиот меч на САД Опен. „Ви благодарам за ова прашање, не бев сигурен дали некој ќе го постави. Ни под разно“, повтори тој. „Моето тело веќе е готово, но многу сум среќен што добро ме служеше. Сега сè е во ред. Сега сум само навивач. Уживам додека гледам тенис.“ Федерер е најголемиот шампион во историјата кој играл бекхенд со една рака. По него, само уште еден тенисер освоил гренд слем-титула со таков удар – Доминик Тим. „Еден од моите синови се обидува да го промени бекхендот со две раце во бекхенд со една рака и гледам колку е тешко да се научи како да се удира и контролира топчето. Секако, со текот на времето може да се постигне тоа, но бара многу време. А денес никој нема време. Едноставно, бекхендот со две раце полесно се учи кога си млад, но и понатаму се надевам дека овој удар со една рака…