Фабијани: Мора да играме трпеливо, тактички да бидеме перфектни

Актуелниот фудбалски шампион Вардар го одработи последниот официјален тренинг пред натпреварот против шампионот на Летонија Рига во рамките на Конференциската лига на УЕФА. Тренерот Кристијан Фабијани ги сподели очекувањата пред овој двомеч. „Ни следи нов европски натпревар за оваа сезона. Тактички мора уште повеќе да се подобриме од претходните мечеви, да ги намалиме грешките, а притисокот ќе биде повеќе врз домаќинот Рига. Мора да играме трпеливо, тактички да бидеме перфектни и со намалени грешки во сите линии. Сите играчи кои допатуваа со нас ќе конкурираат за игра, ги немаме во тимот само Хоакин Торес и Бобан Николов. Го имаме официјалниот тренинг за финални подготовки за мечот.“, изјави Фабијани.