Eнергијата e голем товар за семејниот буџет: Македонија не е меѓу земјите со највисоки сметки

Новата анализа на Visual Capitalist, базирана на податоци за 2025 година, покажува дека најголеми годишни трошоци за енергија по жител имаат домаќинствата во северна и западна Европа. На врвот на листата се Шведска, Финска и Австрија, додека дури 24 од првите 30 земји се европски, што уште еднаш потврдува дека Европа е регионот со највисоки енергетски расходи во светот. За разлика од овие држави, Македонија не се наоѓа меѓу земјите со највисоки апсолутни сметки за енергија. Причината е комбинацијата од пониски регулирани цени на електричната енергија, помала вкупна потрошувачка и пониски приходи на населението. Сепак, тоа не значи дека македонските домаќинства трошат помал дел од својот буџет за енергија. Македонија: помали сметки, но поголем товар Економските анализи покажуваат дека, кога цените ќе се прилагодат според куповната моќ, домаќинствата во Македонија плаќаат меѓу највисоките цени за електрична енергија во регионот. Иако државните субвенции ја ублажија енергетската криза и спречија поголем раст на сметките, трошоците за струја и понатаму претставуваат значителен дел од месечниот буџет на семејствата. Дополнителен фактор е начинот на греење. Според најновите податоци на Државниот завод за статистика, најголем дел од домаќинствата во Македонија и понатаму се греат на дрва (38,2%), додека електричната енергија учествува со околу 24,6%. Сè…