Експлозии во Бахреин, активирани сирените за тревога во престолнината Манама

Експлозии повторно се слушаат во главниот град на Бахреин, Манама, при што повторно се огласија сирените за воздушна опасност. „Сирените за тревога се активирани. Граѓаните и жителите треба да останат смирени и да се упатат кон најблиското безбедно место“, се посочува во соопштението на Министерството за внатрешни работи на Бахреин објавено преку социјалната мрежа „Икс“. И во соседен Кувајт армијата соопшти дека нејзината противвоздушна одбрана пресретнала ирански дронови. Преходно беше соопштено за напади извршени во текот на изминатата ноќ врз Кувајт, Бахреин и Јордан, сите држави во кои се распоредени американски воени сили, во услови на зголемена регионална ескалација меѓу САД и Иран.