Еден од преживеаните босански планинари открива што се случувало на Елбрус: „Ништо не укажуваше на таква бура“

Еден од двајцата преживеани планинари од Босна и Херцеговина, Кемал Видимлиќ, за првпат проговори за Кликс.ба за трагедијата на планината Елбрус во која загинаа пет члена на експедицијата од Босна и Херцеговина. Видимлиќ зад себе има многу освоени врвови над 5.000 метри во висина, успешни акции за спасување на други, но сè што се случи на Елбрус било премногу и непредвидливо. Сè уште видно потресен, тој вели дека едвај се сеќава на бројни моменти од спуштањето, но дека сликите од почетокот на бурата и последните обиди да ги спаси своите пријатели постојано му се враќаат. Никој и ништо не може да се подготви за таква бура Според него, искачувањето започнало во раните утрински часови. „Прогнозата беше добра. Не беше премногу студено и немаше индикации што ќе се случи“, се сеќава Видимлиќ и додава дека ниту една од прогнозите не претскажувала бура, особено имајќи предвид дека многу групи почнале да се искачуваат. Проблемите започнале на околу 5.500 метри, кога Алма Окановиќ почнала да се чувствува лошо. Потоа, како што вели тој, таа, д-р Мелиха Чаушевиќ и Денис Окановиќ решиле да се вратат, додека остатокот од групата продолжил уште педесет до сто метри кон врвот. „Во тој момент започна бурата. Прашавме еден…