Еден човек загина во невремето што ја погоди Романија

Силна бура ги погоди Букурешт и 60 градови и села во Романија, при што загина едно лице, а оштетени се десетици куќи и возила ширум земјата. Само во Букурешт речиси 2.000 граѓани побарале помош поради обилниот дожд што поплави неколку станици на подземната железница. Смртно настрада еден човек откако врз неговото возило падна дрво. Полицијата и пожарникарите во повеќе региони евакуираат луѓе од поплавените домови и ги отстрануваат соборените дрва, Невремето уследи по топлотниот бран, а во поединечни делови од Романија во понеделникот и вчера беа измерени над 40 степени Целзиусови.