Деца се тепале на плоштадот во Тетово, со родителите завршија во станица

На 26.06.2026 на булевар „Илинденска“, кај градскиот плоштад во Тетово, полициски службеници од СВР Тетово забележале нарушување на јавниот ред и мир со физичка пресметка помеѓу повеќе малолетни лица, информира портпаролот на СВР Тетово, Фатмир Реџепи. Полициските службеници веднаш интервенирале и ги раздвоиле лицата. -Во присуство на родителите, полициски службеници од СВР Тетово извршиле разговори со малолетниците кои биле на возраст од 13, 14 и 15 години, сите од Тетово, додава Реџепи. По целосно документирање на настанот, ќе бидат поднесени соодветни поднесоци.