Червар: Имаме силни ривали и многу работа!

Тренерот на РК Е.Пелистер Лино Червар, изјави дека тимот мора да остане фокусиран на следните предизвици. Червар вели дека пелистерци имаат уште многу работа и квалитетни противници пред себе. „Не сакам да се залетуваме со прогнози за крајот на сезоната. Потребно да е останеме понизни, и покрај победата над Партизан, во која изгледавме одлично на теренот. Атмосферата беше прекрасна, публиката се забавуваше, но мораме да бидеме фокусирани и да се насочиме кон следните мечеви. Мислам дека бевме добри, особено во првото полувреме, кое изгледаше навистина супер. Филип (Кузмановски) беше во одличен ритам, а заедно со него и организаторите на играта. Целиот колектив се покажа во добро светло, но пак ќе повторам, пред нас е уште многу работа. Кузмановски го знам одамна и точно знам за каков играч се работи. За мене тоа не е ништо ново. Супер е што го имаме во тимот, тој е вистински лидер. Што се однесува до конкуренцијата во првенството, мислам дека тука ќе биде многу интересно. Во Вардар има мои сонародници, тимот е прилично силен и ги освои последните трофеи. Ме импресионираше и Ројевиќ со успесите со ГРК Охрид, тоа е одлично за македонскиот ракомет. Имаме повеќе силни ривали, ќе биде интересно до крајот на…