Чаир во ритамот на здравјето: Сè поблиску до граѓаните

Активностите во рамки на платформата „Чаир во ритамот на здравјето“ продолжуваат со голем интерес од страна на граѓаните. Претседателот на Советот на Општина Чаир, Мухамед Муртези, заедно со директорот на Здравствен дом Скопје, Самир Исени, ги посетија пунктовите каде што се реализираат активностите, со цел одблиску да се запознаат со нивниот тек и со услугите што им се нудат на граѓаните. Во Паркот на Чаир, Паркот „Младина“ и во Старата чаршија, медицинските тимови продолжуваат со основни здравствени прегледи, мерење на крвниот притисок и нивото на шеќер во крвта, советување и превентивни активности за заштита на здравјето во услови на високи летни температури. Платформата „Чаир во ритамот на здравјето“ ќе продолжи и во наредните денови, обезбедувајќи бесплатни здравствени услуги и промовирајќи ја културата на превенција, со цел здравствената грижа да биде што поблиску до секој граѓанин.