Чаир доби нов културен бренд: Успешно реализирано првото издание на Меѓународниот музички фестивал „Чаршија“

Општина Чаир успешно го заокружи првото издание на Меѓународниот музички фестивал „Чаршија“, кој од 23 до 26 јули ја претвори Старата скопска чаршија во сцена на врвна музичка уметност и културен дијалог. [facebook_post url="https://www.facebook.com/izetmexhiti/posts/pfbid02CTFzirfTyWWLiDX4fxc88UwuKbjA8YNXi8e54oj3Y2hBuSLJBLMBtgTRMEc8bHjtl"] Во текот на четирите фестивалски вечери беа реализирани четири концерти, на кои настапија 20 солисти од Северна Македонија, Албанија, Романија, Италија, Косово и Шпанија, придружувани од Симфонискиот оркестар AYGA од Северна Македонија. Преку богата и разновидна програма, фестивалот ја потврди својата уметничка и културна вредност. Илјадници посетители имаа можност да уживаат во концертите и да станат дел од една нова културна приказна што ја збогати културната понуда на Скопје. [facebook_post url="https://www.facebook.com/izetmexhiti/posts/pfbid02Atwd9FVrDGdPrtvQbWhZsX5boP4qRnm8xJdiT9enctkUDnUJ3FBrmuMdaSaxxqt8l"] Првото издание на фестивалот уште еднаш потврди дека Старата скопска чаршија е уникатен простор каде што културното наследство и современата уметност можат да создадат нови вредности, како за граѓаните, така и за туристите и за севкупниот развој на градот. [facebook_post url="https://www.facebook.com/izetmexhiti/posts/pfbid06FXFEVU1Mbkv3rHMSbokxfNnwShjjFxzYACaRfGxQoKFNJtYZyJ8SMxTAJkhV4Ykl"] „Со фестивалот ‘Чаршија’ покажавме дека кога постојат визија и посветеност, може да се создаде нова културна традиција која ќе стане симбол на Чаир и на Скопје. Нашата цел не беше да организираме само уште еден настан, туку да ги поставиме темелите на фестивал кој од година во година ќе расте, ќе привлекува реномирани уметници…