Братот на Кејт Мидлтон го одржа ветувањето што и го даде: „Остани точно она што си“

Принцезата од Велс, Кејт Мидлтон, успешно го заврши тешкиот хуманитарен предизвик „Национален предизвик на три врва“, искачувајќи се на највисоките врвови на Англија, Шкотска и Велс во рок од 24 часа за да собере средства за пациенти со рак. На целта ја пречекаа принцот Вилијам и нивните деца, но дури подоцна беше откриено дека нејзиниот брат Џејмс Мидлтон исто така се искачил со неа, исполнувајќи го ветувањето што ѝ го даде кога ѝ беше дијагностициран рак пред две години. Учеството на Џејмс има длабоко лично значење. Кога веста за болеста на принцезата се прошири во март 2024 година, тој сподели фотографија од нивното детство со зборовите: „Со текот на годините, заедно искачивме многу планини. Како семејство, ќе ја искачиме и оваа со тебе“. Сега, тој буквално го одржа тоа ветување. Во емотивна објава по предизвикот, тој не криеше колку е горд. „Неверојатно сум горд на мојата драга сестра. Пред две години ти кажав дека заедно ќе ја искачиме оваа планина. Разговаравме за искачувањето планини додека беше во болница и за неверојатната лековита моќ што природата може да ја има за телото и умот. Затоа беше голема чест да ти се придружам во предизвикот“, напиша Џејмс. View this post on Instagram…