Барселона без двајца дефанзивци против ПСЖ

Барселона се соочува со сериозни кадровски проблеми по убедливата победа од 5:2 на гостувањето кај Бетис. Медицинските прегледи потврдија дека Ерик Гарсија и Жул Кунде нема да бидат во составот за дуелот со ПСЖ во Лигата на шампионите. Гарсија заработил повреда на десниот бутен мускул и ќе отсуствува од три до четири недели. Тоа значи дека, покрај натпреварите со ПСЖ и Реал Мадрид, ќе ги пропушти и дуелите со Алавес, Астон Вила и Атлетико Мадрид.