Аријана Гранде пред публиката ја откри причината зад одлуката јавно да се повлече

Аријана Гранде го прекина концертот во Чикаго за да и ја објасни на публиката својата неодамнешна одлука да се повлече од јавноста. Во емотивен говор, 33-годишната пејачка зборуваше за потребата да го заштити своето ментално здравје по период на бројни професионални обврски, пишува „Унилад“. Поп-ѕвездата моментално е зафатена со бројни обврски, вклучувајќи ја промоцијата на нејзиниот албум и филм „Wicked“ и светска турнеја. Таа накратко го прекина настапот во Чикаго за да сподели со илјадниците обожаватели со што се справува. На сцената, видливо емотивна, зборуваше за тоа колку е тежок животот за неа под постојан надзор на јавноста. Таа нагласи дека повлекувањето не е избрзана одлука. -Вчерашното соопштение не беше реакција или импулсивен потег. Тоа е нешто што го планирав и тивко го подготвував долго време, рече Гранде. Таа, исто така, објасни дека нејзината вистинска ситуација не е она што често се прикажува во медиумите. -Без разлика што е напишано и кажано, ништо не може да го промени она што навистина го доживувам и ништо не е пореално за мене од љубовта што ја споделуваме, им рече таа на публиката. Зборуваше за важноста на поставувањето граници и призна дека на секого понекогаш му е потребен одмор. Гранде им се заблагодари…