Аргентинците се протнаа во полуфиналето на СП (ВИДЕО)

Фудбалерите на Аргентина се последните учесници во полуфиналето на Светското првенство, откако во уште еден мундијалски трилер ја совладаа Швајцарија по продолженија со 3-1. Актуелните бранители на титулата за пласман во големото финале ќе се борат во среда од 21 часот во Атланта, каде ги чека историско дерби против селекцијата на Англија. Швајцарците во Канзас Сити го дадоа и последниот атом од силите за да креираат една од најголемите сензации во историјата на Мундијалите, беа на чекор до тоа да му ја симнат круната на шампионот, но на крајот сепак не издржаа. Во регуларните 90 минути резултатот гласеше 1-1 – мрежата на Швајцарија ја начна Алексис МекАлистер уште во 10. минута, пред во 67. минута да израмни Дан Ндоје. Јазолот во 112. минута, со момент на чиста магија, го пресече Хулијан Алварез со фантастичен погодок од далечина, додека точка на овој меч стави Лаутаро Мартинез во 121. минута од средбата https://youtu.be/_YicRhJSvM8?si=EQ04ri7j3eHGmGOq