Аргентина со можни промени против Англија – Де Пол би можел да остане на клупата

Аргентина ги привршува подготовките за полуфиналниот дуел против Англија на Светското првенство 2026, кој ќе се одигра в среда на стадионот „Атланта“. Селекторот Лионел Скалони сè уште не го откри конечниот состав, но призна дека размислува за неколку промени во однос на тимот што ја совлада Швајцарија со 3:1 во четвртфиналето. „Можеби ќе направиме една или две промени, имајќи го предвид противникот. Идејата е да излеземе со најсилниот тим што го имаме. Момците се подготвени“, изјави Скалони на прес-конференцијата. Според аргентинските медиуми, не се очекуваат многу измени, но една позиција е под знак прашалник. Најголема дилема е Родриго Де Пол, кој беше заменет на последните два натпревари и не е сигурно дека ќе остане во стартниот состав. Доколку Скалони се одлучи за промена, најсериозен кандидат да го замени е Николас Гонзалес. Фудбалерот кој потекнува од Аргентинос Јуниорс редовно добива шанса од клупата и остави добар впечаток на досегашните натпревари. Доколку добие место во првата постава, Гонзалес би играл на левата страна од средниот ред, додека останува отворено прашањето кој ќе ја покрие десната страна. Покрај тоа, Скалони размислува и за позицијата десен бек. Науел Молина во моментов има мала предност, но не е исклучено шансата да ја добие Гонзало Монтиел…