Арагчи: Понудата до САД за повторно отворање на Ормускиот теснец сè уште е на маса

Иранскиот министер за надворешни работи, Абас Арагчи, денеска изјави дека понудата на Иран до Соединетите Американски Држави (САД) за повторно отворање на Ормуската Теснина во рок од седум дена сè уште е на маса. Обраќајќи им се на иранските новинари во ирачкиот главен град Багдад, на маргините на состанокот на Организацијата за исламска соработка, Арагчи рече дека ставот на Техеран е „јасен и се заснова на предлог во седум точки претставен пред САД“. - Тие ги доставија своите коментари, кои ние ги разгледуваме, но нашиот предлог останува на маса. Ако постои барем трошка искреност од американска страна – а ја нема – тогаш патот до повторното отворање на Ормуската Теснина е сосема очигледен, рече шефот на иранската дипломатија. Иран го претстави својот предлог кон средината на септември, по пропаѓањето на привременото примирје. Подоцна потврди дека добил одговор од САД, но иранските претставници минатата недела изјавија дека преговорите се во застој бидејќи Вашингтон не одговорил на сите седум услови за повторно отворање на теснината. Условите на Иран вклучуваат укинување на американската блокада на неговите пристаништа, отстранување на санкциите за извоз на нафта и прекин на конфликтите на сите регионални фронтови. - Доколку Вашингтон ги прифати условите на Техеран, Ормуската Теснина би…