Александар Зверев е првиот финалист на Вимблдон

Александар Зверев е првиот финалист на Вимблдон. Германскиот тенисер и актуелен победник на Ролан Гарос убедливо го победи најголемото изненадување на турнирот, Британецот Артур Фери, со резултат од 7:6, 6:2, 6:4. Третиот тенисер во светот на тој начин стигна до првото финале на Вимблдон во својата кариера. Фери доби покана од организаторите за главниот турнир и како 114-ти тенисер во светот, предизвика сензација со пласманот во полуфиналето. Сепак, не успеа да го повтори успехот на Горан Иванишевиќ, кој доби покана од организаторите во 2001 година и како 125-ти тенисер на АТП ранг-листата го освои турнирот. Зверев го чека победникот од натпреварот помеѓу Јаник Синер и Новак Ѓоковиќ во финалето.