Александар Љафтов потпиша за Штип УГД

Македонскиот одбојкарски репрезентативец Александар Љафтов е нов член на Штип УГД. Искусниот примач, засили штипскиот клуб во пресрет на новата сезона. Љафтов зад себе има богата интернационална кариера, настапувајќи за клубови од Македонија, Турција, Србија, Кипар, Египет, Хрватска, Бугарија, Италија, Саудиска Арабија, Обединетите Арапски Емирати, Грција, Унгарија и Кувајт. Од Штип УГД му посакаа топло добредојде и изразија надеж дека со своето искуство и квалитет ќе придонесе за нови успеси на клубот на домашната и меѓународната сцена.