АЈВАНИ НА 14 И 13 ГОДИНИ: Двајца малолетници тешко повредени при превртување на четирицикл кај Гостивар

Двајца малолетници се здобиле со тешки телесни повреди откако четирицикл излетал од патот во гостиварското село Дебреше, информира Министерството за внатрешни работи. Според МВР, на 1 август во 22:06 часот од Медицинскиот центар Гостивар било пријавено дека кај нив биле донесени две повредени лица од сообраќајна несреќа. Полициски службеници излегле на местото на настанот и утврдиле дека во селото Дебреше, во близина на основното училиште, четирицикл без регистарски таблички, управуван од 14-годишник од селото Чегране, на кој како сопатник бил 13-годишник од Дебреше, излетал од патот. Во несреќата двајцата малолетници се здобиле со тешки телесни повреди. Увид на местото на настанот извршила екипа од ОВР Гостивар.